كتبت/ وفاء سليمان محمد
أطعمة ما تنفعش تحت سن السنة للأطفال
١- شرب اللبن البقري أو الجاموسي
و ده لأنه بيسبب أنيميا بسبب قلة الحديد فيه ومكوناته غير كافية للطفل في العمر ده
ده غير ان الإنزيمات عند الطفل في العمر ده مش مؤهلة لهضم البروتين اللي فيه كويس
و فيه معادن استخدامها الكتير ممكن يؤذي الكليتين
و (لكن) ممكن من عمر ٦ شهور ندخل زبادي وبعض أنواع الجبنة
٢- عسل النحل (العسل الأبيض)
٣- الشوكلاتة .. و ده بسبب السكر والكافيين اللي موجودين فيها
٤- بعض أنواع الأسماك التي تحتوي على نسبة زئبق كبيرة خاصة المحار و التونة والماكريل
و لو عايزين ندي مأكولات بحرية خلينا نبدأ بالأسماك ذات اللحوم البيضا و مش أكتر من مرة في الأسبوع
٥- المكسرات والحبوب الناشفة اللي ممكن الطفل يشرق فيها
٦- السكر والملح
٧- الأطعمة ذات القطع الكبيرة .. يعني الأطعمة اللي يزيد حجمها أو أبعادها تزيد عن (نص بوصة) لازم تتقطع ..
وبالتالي العنب والكريز والفراولة والحاجات اللي شبههم و كذلك قطع اللحمة و الفراخ و
ما شابه لازم تتقطع بدل ما تعمل للطفل اختناق لا قدر الله
٨- البيض النيئ أو النص سِوا
٩- اللحمة اللي مش مستوية(مطهية) كويس أو النص سِوا
١٠- الشاي والقهوة و المشروبات المحلاة بالسكر
١١- الأطعمة اللزجة أو الهلامية زي اللبان أو الفواكه المجففة أو الچيلي كولا والمارشميلو و ما شابه ..
